Sut i ysgrifennu Cynllun Busnes ar gyfer Prosiectau Amaethyddiaeth a Gefnogir gan y Gymuned (CSA)

Download the Toolkit: CSA BP Template - 29.04.2021 - Welsh[1].docx

“Mae'r cynllun busnes yn ddatganiad ffurfiol sy'n gosod nodau ac amcanion eich busnes. Mae'n asesu a ydyn nhw'n gyraeddadwy a beth yw eich cynlluniau ar gyfer eu cyrraedd. Dylai hefyd gynnwys rhywfaint o wybodaeth fer am y sefydliad a'r bobl dan sylw, yn ogystal â sut bydd incwm yn cael ei gynhyrchu. Dylid hefyd ystyried peryglon fel y tywydd, cynaeafau gwael, gormodedd a diffyg marchnadoedd.”¹

1. 1. CSA Network UK: https://communitysupportedagriculture.org.uk/wp-content/uploads/2018/06/B.pdf

Pam?

Mae cynllunio busnes yn:

• Hanfodol wrth ymgeisio am grantiau a benthyciadau busnes, a’ch galluogi i gynnig cyfranddaliadau cymunedol.
• Defnyddiol i weithio tuag at gynaliadwyedd ariannol a llwyddiant tymor hir.
• Edrych tua’r dyfodol ar eich busnes a dylech ystyried 5 i 10 mlynedd i’r dyfodol.
• Dogfen weithio y dylid ei hadolygu bob blwyddyn.
• Syml, clir a phendant, gyda nodau clir a ffyrdd i fesur llwyddiant.

  

Cyn i chi ddechrau:

Cyn i chi ddechrau ysgrifennu eich cynllun busnes, bydd angen i chi amcangyfrif ffigurau eich cnydau a'r buddsoddiadau sydd eu hangen i weithredu. Mae'r Rhwydwaith CSA yn darparu Offeryn Cnydau Garddwriaethol defnyddiol iawn a fydd yn caniatáu i chi chwarae o gwmpas gyda niferoedd cnydau - bydd hyn yn eich helpu i ddarganfod faint y bydd angen i chi ei dyfu a faint o dir sy'n cyfateb iddo, fel y gallwch dalu'ch costau. Bydd hefyd yn eich helpu i weithio allan faint o flychau llysiau ac aelodau y gallwch / bydd angen i chi eu darparu:

Offeryn Cnydau Garddwriaethol (communitysupportedagriculture.org.uk)

 

Rhagdybiaethau - bydd angen i chi feddwl yn ofalus am anghenion cynnyrch, prisiau a benthyca a phrofi pethau. Mae dadansoddiad risg a sensitifrwydd yn hanfodol i helpu i baratoi a lliniaru yn erbyn effeithiau trychinebus posibl fel tywydd eithafol, gostyngiadau/cynnydd mewn prisiau, argyfwng gwrtaith ac ati.

Dechrau'n fach yw'r dull mwyaf synhwyrol bob amser - cynyddu'r cynnyrch a'r aelodaeth bob blwyddyn fel sy'n briodol i'ch sefyllfa. Gall talu costau cychwynnol fod yn anodd ond mae'n lle da i ddechrau ymgysylltu â'ch darpar aelodau (a rhannu risg). Mae cyllido torfol neu ofyn am roddion tuag at eitemau penodol nid yn unig yn ffordd dda o gael rhywfaint o arian cychwynnol ar waith, ond mae hefyd yn helpu i hyrwyddo eich CSA a datblygu aelodaeth. Fel rheol, mae CSA yn gofyn am gostau aelodaeth fis ymlaen llaw - mae hyn hefyd yn rhoi rhybudd o fis i chi ddod o hyd i aelod newydd os bydd rhywun yn gadael.

 

Y Ddogfen Hon

 Gellir defnyddio'r penawdau o fewn yr dogfen i ffurfio'r prif adrannau mewn Cynllun Busnes. Gellir eu newid neu newid eu trefn i helpu stori a gweledigaeth eich busnes i lifo. Maen nhw yno i ysgogi meddyliau a'ch helpu chi i ofyn cwestiynau am eich gweledigaeth a'ch cynlluniau, er mwyn sicrhau bod cyllidwyr, staff a gwirfoddolwyr i gyd yn deall uchelgais y prosiect.

 

Related Pages

---