Rhaglen Hyfforddiant Hadau Planhigion Canolradd

Mae’r Straeon Llwyddiant diweddaraf ar gael ar y dudalen Newyddion a Blogiau!

Mae cynhyrchu cnwd hadau peilliad agored ar eich fferm yn gallu gwella ansawdd eich cnydau, cynyddu addasiad planhigion i amodau lleol, cynnig mynediad at amrywiaethau newydd a sgiliau newydd. Mae cynhyrchu hadau yn gallu dod ag incwm ychwanegol i’ch fferm drwy dyfu i gontract neu werthu’n uniongyrchol yn y dyfodol.

Mae ein hyfforddiant cynhyrchu hadau 12 mis wedi’i ddylunio i roi’r adnoddau i chi dyfu cnydau hadau llysiau peilliad agored a hynny’n alluog. Bydd yn cynnig trosolwg o gyd-destun gwleidyddol, moesegol ac economaidd cynhyrchu hadau yng Nghymru. Byddwn ni’n trafod pynciau a fydd yn cynnwys botaneg planhigion, amaethu hadau, sofraniaeth hadau a chyfiawnder hadau.

Mae’r cwrs yn cael ei ddarparu fel partneriaeth rhwng Tyfu Cymru a Rhaglen Sofraniaeth Hadau’r DU. Byddwn ni’n croesawu athrawon allanol i arwain ar bynciau penodol, ynghyd â gweithio’n agos gyda hyfforddwyr arbenigol o’r Llyfrgell Hadau Treftadaeth.

Bydd y cwrs yn cael ei ddarparu drwy weithdai ar-lein, gyda chyfle i ymweld â fferm yn yr Haf (os bydd cyfyngiadau COVID-19 yn caniatáu). Bydd gofyn i chi gynhyrchu cnwd hadau wrth gymryd rhan yn yr hyfforddiant fel eich bod chi’n cael ychydig o brofiad ymarferol.

Mae’r cwrs wedi’i ddylunio i gael ei gymryd fel rhaglen 12 mis; dydyn ni ddim yn argymell cymryd rhan mewn sesiynau unigol. Gellir darparu mentora un i un i’r rheini sydd ei angen rhwng y sesiynau sydd wedi’u trefnu.

I gofrestru ar gyfer y rhaglen, cliciwch yma. Os oes gennych chi unrhyw gwestiynau am y rhaglen, mae croeso i chi gysylltu â ni yn tyfucymru@lantra.co.uk

Rhaglen

Bydd trosolwg llawn yn cael ei ddarparu cyn dechrau’r rhaglen, ond gweler yr wybodaeth isod yn amlinellu’r 6 sesiwn gweminar cyntaf.

Sesiwn 1: Sofraniaeth Hadau

Dydd Mawrth 26 Ionawr 2021, 4pm

Bydd y sesiwn gyntaf hon yn edrych ar gefndir y Rhaglen Sofraniaeth Hadau a’r bartneriaeth gyda Tyfu Cymru. Bydd yn edrych ar gyfleoedd fel addasu ffermydd, cyfnewid hadau, gwerthu hada, bridio planhigion cyfranogol ac amrywiad genynnol.

Trosolwg: