Coronafeirws (COVID-19) - Diweddariad i'n gwasanaethau
Dydd Mawrth, 17 Mawrth 2020
Mae Tyfu Cymru yn parhau i fonitro’r sefyllfa o ran y Coronafeirws (COVID-19) a’r effaith ar fusnesau garddwriaeth yng Nghymru.
Yn dilyn cyngor gan y llywodraeth, rydym yn gohirio un i lawer o ddigwyddiadau hyfforddi a oedd wedi’u trefnu ar gyfer mis Ebrill a mis Mai 2020. Gan fod y sefyllfa hon yn newid o hyd, byddwn wrth gwrs yn monitro’r cyngor, yn adolygu’r sefyllfa ac yn cadw mewn cysylltiad â chi.
Ein bwriad yw parhau i ddarparu hyfforddiant dros y ffôn/ skype/ gweminarau/ gwefannau lle bo hyn yn bosibl – yn enwedig lle rydym yn cynnig hyfforddiant un i un. Byddwn hefyd yn ystyried lanlwytho dogfennau, pecynnau cymorth ac ati i’n gwefan a byddwn yn cysylltu’n gyson â thyfwyr Cymru, gan roi cynlluniau ar waith i’ch cefnogi chi dros yr ychydig fisoedd nesaf.
Os ydych chi wedi archebu i fynd i ddigwyddiad drwy Eventbrite ym mis Ebrill a mis Mai, byddwch yn cael rhybudd bod y digwyddiadau hyn wedi cael eu gohirio. Byddwn yn trosglwyddo eich archeb i ddyddiad newydd unwaith y byddwn yn gallu dechrau darparu’r hyfforddiant wyneb yn wyneb unwaith eto.
Os oes gennych chi unrhyw gwestiynau, cysylltwch â’r tîm e-bost i tyfucymru@lantra.co.uk